lapetitedreamer的部落格

對🤷🏽‍♀️未做空姐已經洗咗好多錢.... 哈哈哈，但你還是想洗呢筆錢吧？！💸💸💸呵呵😏😏😏

寫呢篇文係希望即將要成為空姐的你可以早早做好準備～ 也想讓你們看看空姐外站的生活到底是怎樣呢～😇😇😇

以下係我做了一年多覺得做空姐一定要有的，有些未能拍照就用文字表達吧～ 我也會盡力圖文並茂去說的～🤗🤗🤗

1. 床單和拖鞋

不用說也知，酒店的床單有多污糟....😶 我真係好想好好訓一教咖！有咗佢之後完全唔需要擔心塊面同幾多陌生人親吻！😐😐呵呵呵呵～ 所以我就算自己去旅行都會帶住！😏 因為有男友的關係，所以我買超大的！ 🤡其實有比較細的選～ 詳情可以去淘寶看～ link 我就唔比啦，費事好似賣廣告咁...😎😎

而拖鞋呢，有兩個原因，第一環保，唔通去間間酒店都開人地對拖鞋咩咁唔環保咩。😇第二，歐洲同美國啲酒店都無拖鞋提供咖！所以自己帶定！😯😯😯otherwise, 你就要踩萬人踩過既酒店地板了...😨 那個地板又是另一個髒地方... p.s. 啲crew會帶人字拖，出街都可以用嘛！🤔🤔🤔

2. 電煲 & 餐具&洗潔精

嗯，怎麼我聽說酒店煮食係犯法的呢？ 😶😶😶我無求證呀，所以我就不理了～🤷🏽‍♀️ 反正無人叫你係煙霧感應器底下煮食咖嘛～😂 呢個煲好厲害！好適合lock and seal 或太夜到酒店既時候用！👍🏽👍🏽如果你飛澳洲，記得買牛扒翻酒店煎！👍🏽👍🏽好新鮮咖！而介紹呢個煲比我果個crew就係lock and seal 既crew... 其實呢份工，你去到外站餐餐食杯面真係儲到錢咖... 但如果你又唔想餐餐杯麵咁慘，😢😢呢個煲好適合你～ 可以選擇去outport supermarket 買便便地既野煮來食，例如蔬菜；帶米煲飯都得～ (個crew真係咁做！)👍🏽👍🏽👍🏽👏🏻👏🏻👏🏻👏🏻

咁我現時就未到lock&seal 既程度既😂😂（如果咁早lock&seal我做呢份工做麥？！），都會出去食，尤其一大班Crew話一齊出去果陣。😀 同埋有的國家一定要出去食野啦！所有Asian port我都會出去食，因為又便，又好食！😀😀😋😋就算係印度我都會到reception 幫我叫外賣咖！😋😋😋真係好好食咖 aisian food!!!! 不過歐美就麻麻了。 好食既就太貴... 會出去食，但不會係餐餐出囉... otherwise 我份allowance 一定會無曬... 同埋美國本人覺得唔多有好野食，自己去Supermarket掃貨煮黎食仲正！😍😍😍

*記得帶洗潔精洗包呀！🙂🙂

3. 化妝袋

雖然佢個名叫化妝袋，其實卸妝，洗面，牙刷，牙膏，梳子，護膚品 etc... 你學要既化妝，落妝，護膚品都有！ 咁我就一定會帶 mask , 眼霜！！！！ MUST BRING ITEM: EYE CREAM!!! 女生很重要！你唔好以為你後生就唔需要！好快有乾紋！！！‼️‼️‼️（求救，怎辦？）另外，我仲會帶黑頭針，暗瘡貼，暗瘡膏... 試過太多次在outport生瘡無工具係手.... 好徬徨呀！！！！‼️‼️‼️😭😭😰😰😰

4. 毛巾

唔多講，酒店毛巾誰會用？🤢🤢🤢我靜係試過逼不得已，唔記得帶果是先會用... 🤢🤢🤢重要係輕輕索一下身上水滴咋...面就一定唔會掂... 🤔🤔🤔🤢🤢🤢

5. 睡衣

我會帶可以著出街既衫當睡衣，因為真係試過唔記得帶出街衫... 唯有著睡衣，然後酒店拖鞋... 所以樓上說拖鞋可選人字拖～ 配可出街既睡衣都真係可以出街嘛～～～😏😏😏😏

6 指甲夾包

做crew 啲指甲好易崩... 🌚所以係必備既！外加耳屎刮～ 其實飛機好嘈，我會對只耳仔👂🏻埋個客度...所以我的耳朵好乾淨咖～😏😏😏

7. HDMI adaptor 

本人好中意睇電視咖，🌝咁我又唔想帶電腦咁重.. 所以我選擇用電話！咁我就可以用酒店42寸大電視煲劇啦～🤤🤤🤤🤤哈哈哈哈哈哈～ p.s. iphone 人士唔好貪便買A貨，最後都係用唔到既.. 不過一條iphone hdmi adaptor 要3xx ....（用一世喔） 所以你地自己諗啦～哈哈😈😈😈

8. 轉插器

這是必帶的！！！ 無咗都幾麻煩...🙄🙄🙄 因為唔係間間酒店個電視都有USB洞洞咖！🤢 我呢個有兩個USB頭，🤗但我發現同時差電，其實好慢... 所以我通常一個會差電視個USB（if app）... 👻👻👻

9. external charger

出去sight seeing 瘋狂影相😶，又揾路.... 手機好快無電咖咋... 😶到宜家都仲有crew唔洗要... 😨真係犀利！我就唔得... 不過我試過唔記得差external 電， 出到去先發現... 😒😒😒然後手機真係唔夠電... call uber 都call 唔到... 係米蘭火車站像瘋婆咁問人借尿袋...🙁🙁🙁但外國人真係唔興用呢個咖... 好彩遇到好心人幫我打電話call taxi... 但原本搭uber 6歐，變搭TAXI 14歐.... 所以，呢個我以後都會差足電咖！！！🤡😖😖😖

10. 攝影裝備

我就唔係咩好勁果啲，攞大機影相既人。🤗🤓但我都好中意影相。 但你要知道，唔係個個crew 都會陪你sight seeing 咖... 所以自拍既工具就好重要啦！ 魚鏡！！！ 記得要買 6倍 果只！‼️‼️‼️咁先唔會有黑邊同埋側邊彎曲咗！我唔中意自拍棍，似大媽，又會阻住人，有啲地方又唔比帶！ 遙控器‼️‼️ 都好重要，因為你可以放手機係檯面，手拿遙控器放檯底，咁就可以扮有人幫你影相啦～ 又唔會見到手臂～ （自拍成日見到手臂真係好影響張相咖！）八爪魚腳架/腳架 ‼️‼️‼️都要有～ 不過唔係叫你係果啲超繁忙景點度用，我估你係羅馬放個腳架同手機係地，人一擰轉身就被偷了....🤓😈

11. 防曬包

雨傘🌂（super mini, bought in japan），太陽眼鏡🕶(一物兩用，拍照耍酷，防曬，唔想化妝時必要)，帽子👒(一物兩用，拍照耍酷，防曬，唔想化妝時必要)，防曬霜（呢只有防曬同防蚊蟲功效，郊區必備！）😎😎😎

12. 防盜包

呢個係邦係貼身的地方，即是說外面要有衣服。👙👙👙 咁我通常會把50歐/美金放進去.. 另外一張credit card.. 這是為了如果萬一被偷野，我還有錢回家...🙊🙊🙊 咁當然，自己銀包一定要好好保管啦！🙈唔好以為包包上放件衣服頸巾就好安全，有crew話羅馬的小偷銀包連頸巾都一齊偷... 好驚驚呀！！！😨😨😨

13. 衫袋 & 鞋袋

講到出街，點可以無衫同鞋呢？ 👻記得去淘寶淘翻幾個旅行用袋！‼️‼️👍🏽👍🏽超實用！又靚又整齊！我通常會放個香包落啲袋到，咁我啲衫就唔會有味啦！👍🏽👍🏽😏😏

14. 上網 sim card / wifi egg

作為空姐，周圍飛但又想保持聯絡，一定要有外地上網，就算無人要揾，都起碼揾路，揾野食方便啲嘛！🤓🤓而且安全啲，拿咗1個crew電話，出咗去有啲咩事都有公司人揾黎幫手！😖😖😖我宜家去sight seeing,雖然都會揾定路點行，搭咩車。🤓🤓 但google map真係好勁，你可以知道咩時間，咩月台... 實在太有安全感！！😎👍🏽👍🏽 所以一定要有上網！！ 一下有幾個全世界可用的sim card 介紹。👍🏽👍🏽

chat sim： 我最初就係用呢個sim card！ 10歐用1年，無限咁send msg。 但只限msg.... 🤡仲要係文字同emoji 咋... 😒😒要send 圖& voice msg就要另外加錢啦～麥鬼google map, facebook, ig 果啲係用唔到....😨 無data你load咖....🌚 但如果你話我淨系想Send msg 包下平安，呢個好適合你！以我所知，基本上e.g whatsapp, wechat, line, fb msger... 都用到。 但千萬不要用黎send貼圖...🙄🙄🤢🤢 佢好認為你將啲data 用係非msg既地方，然後block 咗你... 我試過load咗兩秒fb, 佢cut 咗我data ...🌚🌚 要1小時後先用到...🌚🌚🌚

所以我好少用呢張卡，但我會keep住，因為你唔知其他卡係咩時候會用唔到... 🤓🤓最重要係，佢係無限咖嘛～ 所以如果我淨系 overnight or transit 果陣開一開黎睇/send msg 既話，佢係最抵用咖！

knowroaming : 呢個係我第二張上網sim card。 一開頭覺得佢超好，基本上全世界都收到。 之後佢仲free 你 Whatsapp 啲 data 添！ 姐係話，免費用whatsapp! 但之後發現佢超貴... 試過開做5分鐘想睇下msg,佢扣咗我7hkd.... 貴過idd....🤢🤢🙁🙁 所以之後我有朋友用到張卡無曬錢，就淨系用whatsapp...😂😂😂 佢又搞笑喔，張卡無錢都照比我地用whatsapp wor! 😂😂😂（小傳聞話佢以後都要我地Top up 咗張卡先可以free whatsapp... 但even 你淨系用Whatsapp佢都會扣你錢...佢話背景data會照扣喔==）

咁我宜家都會繼續用，因為暫時Whatsapp都係Free咖嘛～ 呵呵~😎😎😎👍🏽

*置於點樣top up, 你就自己開youtube la,到你買果陣佢會教～👻

3UK : 係英國的 3 出的 sim card, 但我係深水埗買，300左右，1年12G... 一開始我覺得好好，同埋我唔覺得我1個月係outport既時間會用到2G...😶😶😶 所以我狂用... 不過佢是3G速度的...😶😶😶 Anyway,我用得挺好的... 👍🏽🤔但用到第三個月，去就話我exceed data... 🙄🙄🙄啲Crew話呢張卡係比英國人用既，所以如果你2個月後無係英國開過張卡就會cut 咗你... 咁我好唔好彩，連續幾個月都無英國機... 又唔想麻煩朋友幫我帶去英國開一開張咖... 🤔🤔🤔所以我放埋咗一邊，繼續用knowroaming...🙈🙈🙈 但事實上，佢係抵用過knowroaming咖！ 到咗10月我終於有倫敦，我試開一下。 哎喲，又用到喔！！ 仲要勁順！連係Stonehenge whatsapp video call 我男友都唔問題！ 雖然佢顯示係3G，但我覺得一啲都唔慢喔！超驚喜的！！！😨😨😨但我唔知咁樣開一開係其他地方佢用唔用到，因為之後去Paris我淨系用wifi egg 已經好夠了～👻👻👻

wifi egg : 佢係比起前兩個data 都便的！而且一開始就包你5G data 你用。宜家用咗兩個月，1G都未用到！ 不過佢有時候會收唔到...😎😎😎👍🏽👍🏽 試過有crew一整天都收唔到....🤢🤢🤢 我就暫時未試過一整天收唔到，但剛剛開機會需要好長既時間去收... 而且，有啲地鐵位，郊外都會收唔到...🙈 咁我覺得好正常既～ so, so far so good lah~ 同埋有啲crew話，佢網站所顯示我用咗幾多data, 果個數據係假咖喔，實質用的比較多... 我就唔知真定假啦～ whatever, 我宜家用得好好，超喜歡！

所以總括而言，就算有data都要揾好去的路線，唔好去到先黎揾，咁樣太危險了！😗😗😗

15. 羽絨

天有不測之風雲，😅😅你真係唔知原來果度既15-20度其實係好凍咖～ 所以呢個係踏入9月outport必備的（亞熱帶除外） 現在有啲後悔買白色，當初想在穿制服時著係外套入面（可以的），制服白色就襯翻（其實咩色都得，唔好露出制服外就得）。 但出街想著就覺得白色好怪喲....😅😅😅😂😂😂

講咗咁多outport用既野，係時候講下 in flight 要帶啲咩：

1. 

內有： 圍裙，PA BOOK, 濕紙巾，筆，memo paper, 腰封（曾弄傷腰部，要好好保護！）😘😘

2. long haul 專用袋

我成日唔記得帶出街袋，我都會拿佢黎代替～ 既易襯呀～😅😅 不過佢其實係用來裝long haul crew rest 既時候要用既野～如下

（A）休息既時候唔想整皺制服，就要帶自己衫訓。而且飛機真係好凍，要兩張被咖！🙃🙃🙃所以長衫好重要！ 長頭髮既我建議帶jacket, 唔係過頭弄到頭髮。😅 而我短頭髮，所以hoodie都可以！ 😃同埋我喜歡同帽子蓋住自己訓～好有安全感～☺️☺️☺️ 而且仲可以當出街衫，又係有幾次去到先發現原來有啲凍，但帶曬夏天衫。好彩有件hoodie頂一頂！ 😗😗

(B)訓教前緊係要刷牙，粉紅色果個係被子，超小一個，可折疊～ 請往淘寶找～ 右上角灰色一條是牙刷～酒店貨～ 還有牙膏～zip bag 裡的係化妝水和eye cream! eye cream！eye cream！eye cream（很重要要講3次！）‼️‼️‼️‼️ 當你訓前一定要塗eye cream!! 因為好乾咖飛機！ 訓醒又要塗， 因為訓醒後，眼線會溶到眼底，好醜，所以要用eye cream 用棉花棒輕輕擦走～ 必要時可以用買化妝水擦下眼周～‼️‼️‼️

(C)另外 eyeline & lips 在訓醒後都要補一下～可以放買入去～ 方便一次過入廁所搞掂曬所有野！👻👻👻

(D)訓教前記得放枝水係袋，咁訓訓下頸渴唔洗走來走去呀嘛～😀😀😀

之後就要說一下我的包包裝些什麼，Handbag & 小黑（細luggage）👻👻👻👜💼

Handbag內必備是化妝袋～ 而我的化妝袋好簡單的，是過immigration果個膠袋。因為某些port, 連crew都要check LAG (https://www.cathaypacific.com/cx/zh_HK/travel-information/baggage/controlled-and-banned-items/liquids-aerosols-and-gels.html) 😗😗😗但基本上好多port 都會exclude 咗我地crew既LAG regulations...😗😗😗 但例如英國，法國 etc... 都挺嚴格的～ 所以隨身要有這款袋子，要不然你的 chaxxxxl, dxxr 唇膏，香水被人扔了可不要哭喲～🌚🌚🌚🤢🤢🤢

唇膏x3枝（我算少了...😂😂）eyeline pen (飛機上開要小心，因為氣壓的問題佢會爆汁，我試過爆到全件制服黑色點點==🤢🤢🙄🌚🌚) 香水（飛機工作完啲汗臭... 空姐係美麗的代表嘛～怎麼可以醜呢？👻👻👻😗😗） 遮瑕膏(啲暗瘡永遠係啲唔正確既時間爆咖... 同埋啲eyeline跌咗落眼底可以用遮瑕膏抹走～👍🏽👍🏽) 眉夾.... 膠水！（雙眼皮也永遠在重要時刻消失...）😃😃😃

Miscellaneous

蚊怕水（亞熱帶很需要...🤢） 蚊膏（免受痕癢之苦🤢） 口氣清新劑（中間藍色果枝，在日本買，你懂的...😶😶😶） 藥盒：止痛藥（噢... m痛，腰痛，頭痛🤢🤢🤢）；感冒藥.... (記得不要食會眼訓果款！犯法的！‼️‼️) 膠布.... 護墊... 你永遠不知道飛機會帶你去邊，而你又無底褲換.... GG  🌚🌚🌚

針線盒（酒店有得攞）

我們公司的制服沒有你想像咁好... 所以.... 我已經用過3次了.... 可以看到必須性....😂😂👍🏽👍🏽‼️‼️

暖水袋

飛機真係好凍（‼️‼️麻煩搭飛機既你自備jacket 好嗎？ 最好穿長褲... 其實張櫈好污糟咖....啲blanket 都唔方好得去邊...）🙄🙄🙄🌚🌚

anyway, 會m痛既你一定要隨身帶！！！‼️‼️🙄 另外，飛long haul , red eye 果啲，會坐低既時間比較多，這最容易覺得凍... 而然... 飛機的熱水就會變成你的好朋友... 但喝太多我是不建議的... 唉... 你懂的... 不懂去找飛機engine 哥哥問下... 所以暖水袋好重要！！！🤢🤢🤢🤢🌚🌚🌚🌚

這是保冰袋。 在外國買食物果陣你就需要到佢地咖啦～ 重有會帶飯既你～ 都需要～☺️☺️☺️😏😏😏😏

好吧，就說到這裡... 有什麼補充就再update 下吧～ 還有遇到什麼好用既野都會介紹～ 唔止做空姐岩用咖嘛～ 去旅行都有用咖～👍🏽👍🏽👍🏽