當你發現你份糧跟唔上通漲，想儲多個錢都好吃力果刻，你就會開始諗住揾份新工/揾下副業。
對於空姐，我認識有好多都有唔同副業。因為我地多假嘛。 時間相對上flexible 嘅。 而如果你嘅副業仲賺得多過份正職果陣，有空姐都會選擇「買🐷」去做自己份副業～ 既可留住staff ticket 嘅優惠，又可以揾多幾個錢。 你可能會問，咁✈️咪好蝕？ 會唔會冇人翻工㗎 ？ 咁其實都係家家有求嘅姐～ 如果你够叻，咪揾到副業囉～ 唔够叻，就唯有腳踏實地，翻多啲工啦～ 😂 所以有啲冇副業嘅空姐，好多都會翻爆鐘（over 100hrs ）咁樣大約 at least 有14k～18k咖！ （未計allowance）
所以，如果你好叻，真係分分鐘收兩份工嘅人工咖！ 我都好鬼羨慕！ 仲揾緊自己將來條路，諗緊自己嘅定位！
我見過有空姐a自己整果啲「糖皮蛋糕」放ig 然後有人揾佢落單，佢話整蛋糕自己有中意，揾得仲多過空姐份工！ 佢遲啲仲會租間工作室開班教人整呀！ 真係好叻囡！👍🏽👍🏽 另一空姐b ，佢就本身讀翻譯嘅，又學咗韓文幾年，考曬牌咁～ 之後佢話啲 dayoff 會幫人翻譯，一個月total 賺三萬咖！識佢果陣，佢仲係未swap得機，係咁少時間放假嘅情況下，都做到，真係好叻！ 空姐c呢就讀中醫嘅，唔洗諗都知佢副業係咩啦😂 咁當然係考咗牌啦～ 空少d 空姐e就識「睇相」「占卜」，開班教人咁囉～ 空姐f就夾份開植睫毛鋪，好多人幫襯。 空姐g就gel甲 空姐h就開婚紗店，係外國入婚紗 亦都有化妝師。不過最多都係自己開ig或者實鋪賣外國野，代購咁。 始終我地有便利嘛。 所以好多空姐其實臥虎藏龍咖！ 仲有好多就一係本身勁有錢，一係嫁咗好有錢嘅人。 所以之前有個客人叫個空姐擺袋果陣叫佢「小心啲呀！好貴咖！」然後空姐答佢：「我都知，我都有幾個」(⁎⁍̴̛ᴗ⁍̴̛⁎) 這是真的！ 我成日同啲crew 出去歐洲，特別係啲呀姐級，佢地真係好似買袋唔洗錢咁。 講緊係H字頭果啲級別喔！🤡🤡
但我呢啲小窮j，冇父幹，冇男友幹嘅，緊係靠自己啦～ 我有諗過contract Renee 完後，攞翻兩個月Unpaid leave 去讀下韓文，然後睇下有冇可能做下韓國相關嘅嘢，本身我都有大學讀過兩個sem咁啦～ 所以都有信心。
另外，就係希望創下業咁。 始終都明呢份工，同呢間公司⋯⋯ 份人工呢，點都餓你唔死咖啦，但買樓或者要養個細路呢⋯⋯ 我覺得，冇父幹冇夫幹果啲，真係可以早抖😂😂 我勸你都係唔好做，快啲走。
呢排我開始走水貨，不過走水貨賺嘅都係零用，二三千咁。 所以真係唔多。 要多就要自己賣水貨。 我都識一個空姐佢本身都係幫水貨佬走，之後就自己搞。 都賺唔少咖！ 我都幾想試下(⁎⁍̴̛ᴗ⁍̴̛⁎) 下一篇等我分享下第一次走水貨嘅經濟啦☺️
#空姐 #空姐的生活 #空姐外快 #多重身份
留言列表
