lapetitedreamer的部落格

原來很多人不知道新入職嘅cabin  crew 係有ceiling 同埋renew  contract 之後得翻160/hr 

(Ceiling 嘅意思係指有頂薪。 我地crew嘅人工係計時薪嘅。 )

等我慢慢解釋下比想入職嘅人聽，要好好諗清楚丫！

通常啱啱入職，未過probation 就係$108/hr 而且我地有所謂嘅『底薪』，就係就算你飛唔70個小時都會比翻70小時嘅人工你。 所以剛入職果兩個月嘅Training 通常都係窮到濃，得 70×108= 7,560 一個月🌚🌚🌚

之後呢開始飛啦，就通常係roster 75-85個小時嘅飛行時數比你嘅。 啫係最多係 108×85=9,180 另外再加一千蚊左右嘅 ground duty hour 所以，頭半年真係窮過中三畢業嘅人🤧🤧🤧 如果有啱啱做空姐嘅人，真係唔好約佢地出街食飯，食完冇錢比家用咖啦😭😭😭

飛够半年（計埋Training 果兩個月），就會翻去簽約，三年嘅約（計埋頭半年嘅）， 咁果陣時薪就會加到 around $130/hr , ground duty $75  而且果陣你終於可以swap機啦😀 咁你可以選擇飛多啲啦。 多數人都飛够85以上嘅 可以飛到最多130小時一個月吧，還可以 apply 一個叫 high hour scheme 嘅嘢，咁你每個月嘅roster guarantee 你有120個小時。 根據飛行時數，多勞多得。 不計 allowance ，bank in 嘅話 ，會有 每個月 around (70×130+1500=)10,600 至(70×130+2000=) 18,900 。 

不過講真，好少人會飛到每個月130小時，因為真係會好攰🙈 果種攰未感受過你唔會明。 當你做過就知。

好啦，三年之後 我地會 renew contract ，咁呢份新嘅contract 就係長期合約黎咖啦。 除非你話辭職啦，或者攞咗幾個 warning ，否則空姐你都可以一直做落去咖啦。 

不過呢，仆街魚翅又搞剝削員工嘅新嘢。 往時，十幾年都係三年後 renew 的話，我地嘅時薪就會由 $13x / hr ，跳到 160/hr 咖啦～ 係咪好開心呢😍😍😍  一次過加你20蚊丫！ 生活終於冇咁窮困。 

不過‼️ 間乞丐公司依家，由2015年尾入職嘅crew , 原本做夠3年renew, 一路都仲加到16%

依家得番10%，加完之後係$147/hr 💀💀💀💀

參考資料renew後

2014年以前入職嘅 crew : $167.1

2015年(10月前): $161.4

唉 所以，就算大家做緊同一樣野，大家差果一年工作經驗，依家人地收緊160蚊人工果陣，我地新嘅就收緊140蚊人工丫🌚🌚🌚 真係諗到都好心酸丫😣😣😣 明明大家做嘅嘢一樣，收少人廿蚊😭😭😭 係廿蚊一個鐘丫😭😭😭😭  

好啦，講完乜嘢係 renew ，要講下乜嘢係 ceiling 。 咁其實間乞丐公司每年都會加薪嘅，不過不要開心住😂 我上年加得1蚊啫，如果每個月飛100小時，啫係加咗你100蚊丫！👏🏻👏🏻👏🏻 真係好開心丫！ 但同時，佢又cut咗我地 ground hour 嘅時間（以前要早departure time 90 min 前翻到公司 report 計 ground hour。 依家變咗80min前翻到公司，所以係變相減咗人工 ）。 哈哈 

好啦，咁繼續講加人工，咁就算每年加你1蚊，都叫有加過丫（雖然通漲都追唔到）。但問題係，我地新嘅crew 只要人工加到180蚊，就無得再加落去。  renew 之後就加到140蚊 之後每年加3%都好，其實9年之後就到頂薪咖啦。 但根據依家嘅晉升速度，十年都未必升得到去下一個級別😂😂😂😂 咁啫係話9年之後，你又未有得升職，又冇得加人工，但通漲繼續，你就係咁先啦👋🏻👋🏻👋🏻 

所以，要養家嘅朋友仔，我真係勸你諗凊楚丫～

有人會話，佢咁樣1%加落去，有排都未加到180啦。 係丫，不過你真係想佢每年1%咁加落去咩？ 😂😂😂😂 

另外，你會話，空姐咁多假，咪幫人補下習，做下其他副業囉。

但唔係唔得，不過如果你有得揀，點解唔翻一份工就賺到三皮野，而你翻兩份工先賺到兩皮幾野呢？ 😂😂😂 點解要咁辛苦自己呢？ 

同埋，放假你用黎翻工，你估你真係鐵人丫？ 翻得幾耐丫？ 放假其實係用黎 tone 翻啲作息時間，啲jet lag 咖。 所以如果你放假冇得抖，個人都唔挨得幾耐丫。

好啦，你又會話，加埋份allowance 都有兩萬丫。 係丫，咁你outport 真係唔出去食下野，sightseeing 下咩？ 咁你做呢份工黎做咩丫？ 你唔洗做空姐都有大把工揾到呢份薪金啦。 

如果你係貪空姐份工啲假期嘅話，你又點會用啲假期去翻第二份工先？ 

所以，講真咖，唔係嚇你，呢份工呢，以前都幾好，够養家咖。但今時今日呢，你冇父幹冇天幹，你都真係好好諗清楚丫。

因為呢份工啲假期真係多，又可以周圍去外國食野睇野。所以入咗黎，都真係好難想走咖。

所以唔好比自己『走不了』嘅機會。

我好多同事都係太懶，唔捨得啲假，唔捨得有得周圍去，唔捨得可以係 weekday 出街唔洗同人逼果種感覺，所以就算公司幾差都走唔到😂😂😂 但個口又要呻冇錢咁囉。

如果你唔介意進入呢個爛輪迴，你就加入我地啦～ 😂😂😂😂 一路屌柒公司，一路呻窮，一路屌柒啲客，一路繼續吃喝玩樂～ 

這就是空姐人生 ～ 加油丫～ 死不去，但也活得不算隨心所欲。