第一次幫水貨佬帶貨
因為自己唔叻，又懶去儲客
所以決定幫水貨佬帶貨算了
第一次做，叫classmate send 咗個水貨佬電話比我
然後，水貨佬就send 咗個list 比我
唔同item 收嘅%會唔同
例如 收銀包 96%
啫係話，如果銀包係€100 ，佢淨係比€96你
你退稅10%的話，你賺得6%
然後，我發現，最好就係係香港唱定歐元先
可以帶10萬歐元以下入境不需申報
用現金買係蝕得最少嘅
信用卡就算用銀聯個rate 都應該冇唱錢咁靚
首選係現金
次選係銀聯（有啲銀聯都收手續費咖！要睇清楚）
銀聯有分EPS 同信用卡果個銀聯
EPS 就係要有銀聯符號果張銀行卡，入面要够錢就可以當銀聯咁，咁就收少啲手續費啦
咁當然，有得揀，當然係揀有額外現金回饋的信用卡！記得先登記！通常海外簽賬都會多啲啲回賺的！但手續費比較貴⋯⋯
係辦退稅方面呢，最好揀機場攞現金！
因為係最安全，一定攞得到！
因為上網睇到好多退信用卡嘅，或用信用卡做擔保嘅，有機會會退唔到咖！ 仲中意用好多理由令件事不了了之。
用信用卡退最笨，因為萬一退唔到，反而會扣你13% ，因為要扣手續費。所以，一定最好係攞現金！
如果真係去機場攞現金嘅話，一定要預早起碼45分鐘。 因為cx個counter 離落車位好遠，要行一段時間。
如果你買得少，通常去到機場嘟機就搞掂。
如果你買得多，咁就通常都要排隊蓋章。
排隊蓋章的已經很多人，去攞現金就更多。
所以45分鐘係必須嘅～
文章標籤
全站熱搜
